సత్తుపల్లిలో ఎంఎస్ఎఫ్ కమిటీల నిర్మాణం.. విద్యార్థుల ఐక్యతే లక్ష్యం!

*సత్తుపల్లి:* పద్మశ్రీ మందకృష్ణ మాదిగ ఆదేశాల మేరకు ఎంఎస్పీ, ఎమ్మార్పీఎస్ ఆధ్వర్యంలో సత్తుపల్లి మండల పరిధిలోని వివిధ గ్రామాలు, పాఠశాలలు, కళాశాలలు, హాస్టళ్లలో మాదిగ స్టూడెంట్ ఫెడరేషన్ (ఎంఎస్ఎఫ్) కమిటీలను ఏర్పాటు చేశారు. మాదిగ విద్యార్థులను ఐక్యం చేసి, వారి విద్యా అభివృద్ధికి తోడ్పడటమే ప్రధాన లక్ష్యంగా ఈ కమిటీల నిర్మాణం చేపట్టినట్లు ఎమ్మార్పీఎస్ సీనియర్ నాయకులు గోలమూడి శ్రీనివాసరావు మాదిగ తెలిపారు.

ఎన్నికైన కమిటీ వివరాలు:

- సిద్ధారం గ్రామం: అధ్యక్షుడిగా గంధం రామకృష్ణ మాదిగ, ఉపాధ్యక్షుడిగా సింగపోగు రామకృష్ణ మాదిగ ఎన్నికయ్యారు.
- నారాయణపురం గ్రామం: ఎమ్మార్పీఎస్ గ్రామ అధ్యక్షుడు దొడ్డ మధు మాదిగ ఆధ్వర్యంలో కమిటీ ఏర్పాటు చేయగా, అధ్యక్షుడిగా కుల్లేమిల్లి వంశీ మాదిగ, ఉపాధ్యక్షుడిగా వేల్పుల నాగరాజు మాదిగ ఎన్నికయ్యారు.
- గాయత్రి కళాశాల: అధ్యక్షుడిగా బి. మురళీకృష్ణ, ఉపాధ్యక్షుడిగా బి. దీపక్ ఎన్నికయ్యారు.
- నారాయణ కళాశాల: అధ్యక్షుడిగా సిహెచ్. కార్తీక్, ఉపాధ్యక్షుడిగా ఎస్. సంపత్ ఎన్నికయ్యారు.
- విశ్వశాంతి స్కూల్: అధ్యక్షుడిగా జి. రిషిక్, ఉపాధ్యక్షుడిగా సాయి సాత్విక్ ఎన్నికయ్యారు.
- కాకతీయ కళాశాల: అధ్యక్షుడిగా మిద్దె రాకేష్, ఉపాధ్యక్షుడిగా హర్షిత్ ఎన్నికయ్యారు.
- విద్యాభారతి కళాశాల: అధ్యక్షుడిగా కె. అభిరామ్, ఉపాధ్యక్షుడిగా పి. సతీష్ ఎన్నికయ్యారు.

ఈ సందర్భంగా నాయకులు మాట్లాడుతూ గ్రామీణ ప్రాంతాల్లోని మాదిగ విద్యార్థులను ఒకే వేదికపైకి తీసుకువచ్చి, ఉన్నత చదువులు అభ్యసించే క్రమంలో ఆర్థిక ఇబ్బందులు ఎదురుకాకుండా విద్యార్థులకు అండగా నిలవడమే ఎంఎస్ఎఫ్ లక్ష్యమని పేర్కొన్నారు. విద్యార్థులు చిన్న వయసు నుంచే చెడు అలవాట్లకు దూరంగా ఉంటూ విద్యపై దృష్టి సారించాలని సూచించారు.

విద్యా హక్కులను సంపూర్ణంగా వినియోగించుకుంటూ ఉన్నత స్థానాలకు ఎదగాలని, చదువుతోనే చైతన్యం, సాధికారత సాధ్యమవుతాయని తెలిపారు. భవిష్యత్తులో జరిగే ఉద్యమాల్లో విద్యార్థులు తమ వంతు సహకారం అందించడంతో పాటు, ఇతర విద్యార్థులు కూడా తమ హక్కుల సాధన కోసం చైతన్యవంతంగా ముందుకు రావాలని పిలుపునిచ్చారు.

ఈ కార్యక్రమంలో మహాజన సోషలిస్ట్ పార్టీ సత్తుపల్లి మండల అధ్యక్షుడు గద్దల దేవయ్య మాదిగ, ఎమ్మార్పీఎస్ సత్తుపల్లి మండల ప్రధాన కార్యదర్శి పరిగడుపు లక్ష్మణ్ మాదిగ, జాన్ మాదిగ, విద్యార్థులు తదితరులు పాల్గొన్నారు.