ఎన్నికల కమిషన్ వైఖరికి నిరసనగా కాంగ్రెస్ భారీ ప్రదర్శన

భారత ఎన్నికల సంఘం స్వతంత్రత, పారదర్శకతకు భంగం కలిగించేలా ఏకపక్ష నిర్ణయాలు తీసుకుంటోందని ఆరోపిస్తూ కాంగ్రెస్ పార్టీ ఆధ్వర్యంలో నిర్వహిస్తున్న నిరసన కార్యక్రమానికి గూడూరు మండల కాంగ్రెస్ పార్టీ నాయకులు భారీగా తరలివెళ్లారు.

MLA డాక్టర్ భూక్య మురళి నాయక్ ఆదేశాల మేరకు, DCC అధ్యక్షురాలు శ్రీమతి ఉమా మురళి నాయక్ పిలుపుతో గూడూరు మండలానికి చెందిన కాంగ్రెస్ నాయకులు, కార్యకర్తలు పెద్ద సంఖ్యలో మహబూబాబాద్ కలెక్టర్ ఆఫీస్ ముందు జరిగే నిరసన కార్యక్రమంలో పాల్గొనేందుకు బయలుదేరారు. ఎన్నికల వ్యవస్థలో పారదర్శకతను కాపాడాలని, ఓటర్ల హక్కులను పరిరక్షించాలని వారు డిమాండ్ చేశారు.